Inicio > Historias > Hemopolítica

2007-10-18

Hemopolítica

Touriño trabuca o significado do concepto aldea global e decreta que 150.000 netos de emigrantes galegos adquiran a nacionalidade española, e con ela o dereito a traballar na UE (cousa que me parece moi ben) e a votar nas eleccións municipais, autonómicas e xerais (cousa que me parece delirante). Ao mesmo tempo, aos africanos que se toman a molestia de arriscar a vida para chegar ata aquí, e logo pasan anos partindo o lombo mentres simulan non existir, sométenos a un vía crucis administrativo non xa para acadar a nacionalidade (cousa que ao mellor nin siquera desexan), senón para residir legalmente no país e participar na vida política.

Vaia por diante que xa sei que os problemas non se apañan en catro anos, pero, ¿e dentro de 20 anos? ¿Outorgaranlle tamén a nacionalidade aos fillos dos netos? E despois, ¿aos netos dos netos? ¿E canto tardarán éstes en argallar un Partido Emigrante e elixir un presidente da Xunta residente en Montevideo? Fagan o que queran, pero pensen que a este paso o que agora semella un caso práctico de dereito romano vaise convertir nun apaixoante dilema bioético. Por unha banda porque a medida que se vaia diluíndo o patrimonio xenético daqueles emigrantes primixenios que portaron nas arterias a fonte deste inesgotable Ius sanguinis aumentará a probabilidade de que os tataranetos pata negra de Touriño compartan máis xenes cun africano calquera que cun galego da diáspora. E por outra, porque antes o despois a deriva continental deixaranos a todos compartindo parcela no polígono industrial de Panxea 3, e a ver entón con qué criterio aplicamos o Ius solis.


posted by vendell 00:16

7 Comments


Referencias (TrackBacks)

URL de trackback de esta historia http://verbascum.blogalia.com//trackbacks/52871

Comentarios

1
De: Lynx Fecha: 2007-10-18 06:01

"Ius sanguinis vs Ius solis en El País de Breogán"
Apasionante, Vendell.
Y muy divertido!



2
De: Martin Pawley Fecha: 2007-10-18 11:03

Magnífico!



3
De: peke Fecha: 2007-10-18 12:12

Moi bo!



4
De: cossimo Fecha: 2007-10-18 17:52

Nunca estamos contentos. Si se lle outorga a nacionalidade aos inmigrantes, espéranos un futuro negro. Se lla outorgamos aos emigrantes, idem. Se cadra, a solución pasa por revisar ese artigo da Constitución que establece que ningún español de orixe poderá ser privado da súa nacionalidade. Para aclarar un chisco o futuro, digo.
Porque a nacionalidade non é por definición, sempre unha cuestión de ius sanguinis?. É lóxico que no caso de transfusión, o proceso sexa máis lento, non?
Por outra banda, o ius soli tampouco parece resolver nada. Un galego de 50 anos recén emigrado a Lanzarote non vai poder votar nas eleccións autonómicas mentres que un catalán que leve aquí tres meses si. E que me din da posibilidade non moi lonxana de que o lobby teutón coloque como alcalde de Andratx a un dos seus. Eses que nin siquera se molestan en aprender castelán!.
En fin, a ver se por unha vez somos quen de aprender algo dos veciños do norte e crear un Ministerio de Inmigración e Identidade Nacional a la Sarkozy con ADN e todo iso. Ou un exame de língua(s) e de "tolerancia(s)" tipo Netherlands. A saúde da nación agradeceriao.
Polo demais, estou basicamente de acordo con vostede.



5
De: Ano Nimo Fecha: 2007-10-18 18:35

Panxea 4, pero non estou moy seguro



6
De: Vendell Fecha: 2007-10-19 01:06

¡Transfusións e trasplantes! Non saben onde se meten



7
De: Cesare Fecha: 2007-10-21 15:01

polígono industrial Panxea 3, ;) moi bo.



Nombre
Correo-e
URL
Dirección IP: 54.198.78.121 (fddf0a6008)
Comentario
¿Cuánto es: mil + uno?

Past
<Abril 2018
Lu Ma Mi Ju Vi Sa Do
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            






The verbascum files


Daurmith en Babel
Jaio, espiando
El Pez
El Paleofrik
Willy Sifones
Amelia Mateo
Pawley
Peke
MH
Césare
microsiervos
Lynx
Pereiro
León
Cristobo

Blogalegos ilustres



Blogalia