2003-02-24
Galegos na metrópoli
A marea viva de hoxe polas rúas de Madrid ven a demostrar que a reclamación de responsabilidades e solucións inmediatas non é cousa de políticos, malia que así insistan en presentalo os noticieiros. Milleiros de cidadáns alleos é tréquele dos partidos berraron con insistencia reclamando ó dereito a seren ben governados. Só se trata de eso. Somos os mesmos os que dicimos "nunca máis", "non á guerra" ou "fóra eta", paisanos de a pé fartos de carguiños incompetentes que só aspiran a montar bulla e escurrir ó bulto.
Segundo o informe da comisión de seguemento da catástrofe do Prestixe (deberían dicir "fiasco do Prestixe"), duascentas e pico praias están limpas ou aparentemente limpas. Seica o problema está resolto ou aparentemente resolto, e nós só protestamos en apariencia, coma nun simulacro festivo ou no enterro da sardiña.
Apariencia, esa parece ser o eixo central da política hoxe. Facer ver que se fai, simular, presentar coma feitos os desexos, inaugurar espacios valeiros ou se cadra inexistentes... aparecer, en definitiva, mentras nós ladramos.
¶
posted by vendell 05:00
URL de trackback de esta historia http://verbascum.blogalia.com//trackbacks/5636
Comentarios
| 1 |
|
||
|
Sirva esta entrada de homenaxe sentido ós que foron á manifestación. Nós non puidemos, pero estabamos alí. |
|||
| 2 |
|
||
|
Pois eu si puiden, e estiven. E asegúrolle que o esforzo mereceu a pena.
|
|||
